وبلىستىق دەنساۋلىق ساقتاۋ باسقارماسىنىڭ مالىمدەۋىنشە, بۇگىنگە دەيىن 6 اۆتوكولىك - «فورد ترانزيت» جانە 4 «حيۋنداي» ماركالى اۆتوكولىكتەرى بويالدى.
- الداعى ۋاقىتتا كەزەك بويىنشا قالعان سانيتارلىق اۆتوكولىكتەر بويالادى. اشىق تۇستەگى ارنايى كولىكتەر كوپ كولىكتەر اراسىندا ەرەكشە بەلگىلى, كوپ كوزىنە تۇسەدى, سونداي-اق اق تۇستەگى اۆتوكولىك باسقا جول قوزعالىسىنداعىلار اراسىندا بايقالماي كالادى, - دەيدى قالالىق جەدەل جاردەم ستانساسىنىڭ باس دارىگەرى گۇلنافيس تاڭباەۆا.
ايتا كەتەيىك, كولىكتەر 28 ءساۋىر كۇنى, ياعني «جەدەل جاردەم» كۇنى بويالدى. ودان كەيىن كولىكتەرى اتىراۋ كوشەلەرىمەن ءجۇرىپ ءوتتى. قازىرگى تاڭدا وبلىستىق دەنساۋلىق ساقتاۋ ەنشىسىندە 92 جەدەل جاردەم كولىگى بار. اتىراۋ وبلىسىنداعى بريگادالار جۇمىسىن جەدەلدەتۋ ءۇشىن 2017 جىلدىڭ سوڭىندا ديسپەتچەرلىك قىزمەتتى اۆتوماتتاندىرۋ پروگراممالىق كەشەنى بويىنشا جاڭارتۋ جۇمىستارى جۇرگىزىلدى. بۇل ايماقتاعى ججس, اۋرۋحانانىڭ اقپاراتتىق جۇيەسى جانە امك قىزمەتتەرىندەگى بىرىڭعاي اۆتوماتتاندىرىلعان قوڭىراۋدى باسقارۋ جۇيەسى. ەندىگى جوسپار – مەديتسينالىق كومەك كورسەتۋ بويىنشا قوڭىراۋلاردى باسقارۋ جانە باقىلاۋ جونىندەگى ۇيلەستىرۋ ورتالىعىمەن ىقپالداستىق ورناتۋ.
- بۇگىنگى كۇنى اتىراۋ قالاسىنىڭ بارلىق بريگادالارى پلانشەتتەرمەن جابدىقتالعان, بۇل قوڭىراۋلاردى نەمەسە تەلەفوندى قولدانباي-اق بريگاداعا جەتكىزۋگە مۇمكىندىك بەرەدى, - دەيدى گۇلنافيس تاڭباەۆا.
وبلىستاعى جازاتايىم وقيعالاردى ازايتۋ ماقساتىندا جىل باسىنان بەرى العاشقى مەديتسينالىق كومەك كورسەتۋ بويىنشا 50 ەرىكتى, ونىڭ ىشىندە مۇعالىمدەر مەن جپپ قىزمەتكەرلەرى وقىتىلدى. 2017 جىلى 37 ەرىكتى العاشقى مەديتسينالىق كومەك كورسەتۋ بويىنشا وقىتۋدان ءوتتى.
2018 جىلدىڭ قاڭتار ايىنان باستاپ 1 جەدەل جاردەمدە بوسانۋ فاكتىسى تىركەلدى, دارىگەرلەر بەس ادامنىڭ ءومىرىن ساقتادى. سالىستىرمالى تۇردە, وتكەن جىلى 8 جەدەل جاردەمدە بوسانۋ فاكتىسى تىركەلىپ, 35 ادام قۇتقارىلدى.
